barelvi hone par fakhr h

LAFZ BAREILVI PAR AKAABIR ULAMA AUR ULAMA-E-ASR KE TAASURAAT

(1) Pasban-e-Millat, Hazrat Allama Mushtaq Ahmad Nizaami Alaihirrehma

"Bareilviyat Hamara Tashakh-khus he aur Humey is par Fakhr he. Hum isko kabhi Bhi Mita Nahi Sakte, Maslak ko hum ne Kisi Maslihat ke Tahet Ikhtiyaar nahi kiya he, Ye Hamare Zameer ki Asl Aawaz he,Jisko Koi Dabaa nahi Sakta."
{Aaina-e-Sulah-kulliyat,Safha-125 wa Shumaara Paigam-e-Raza April-June 2009)

(2) Raees-ul-Qalam, Hazrat Allama Arshad-ul-Qadri Alaihirrehma

"Saare Firqaha-e-Baatila ke Muqaable mey apni Deeni O Jama'ati Shanaakht ke liye hamare paas BAREILVI Ya Maslake Aala Hazrat Se Zayaada Jaame Koi Dusra Lafz nahi he."
(Shumara Paigam-e-Raza,April-June 2009)

(3) Aale Rasool Sayyid Hasnain Miyan Nazmi Marehrawi Alaihirrehma

"Ahmad Raza se Ulfat Sayyid Miyan ne di he
*
Haa-Haa "Bareilviyat" Sayyid Miyan ne Di he"

(4) Hazrat Mawlana Mustafa Raza Shabnam Kamaali Alaihirrehma

"Mey Maslak ke Aetbaar se is Daur mey Imam-e-Ahle-Sunnat Mujaddide Deen o Millat Imam Ahmad Raza Khan Qadri Rehmatullahi Alaihe ki Taalimaat o Irshadaat hi ko Ahle-Haq Ahle-Sunnat wa Jama'at ka Maslak Samajhta hu aur isi par ba-hamdihi Ta'aala mera Amal he. Waazeh Lafzo mey Zayaada Munaasib he k mey "Bareilvi" hu Kyunke is daur-e-pur-Fitan mey yahi Turra-e-Imtiyaaz he."
{Allama Shabnam Kamaali ki Zaati Diary se Maakhuz)

(5) Aale Rasool, Hazrat Sayyid Muhammad Hussaini Ashrafi Misbahi Sahab,Raichur Sharif

"Aaj ka wo Zamaana jo Ba-kasrat puraane Aur Naye-Naye Gumrah,Bad-deen,Murtad Firqo se bhara huwa he. Aur Har Firqa apne Khare Musalman hone ka Daawa karta he. Musalmano ke Nazdeek Islam aur Islamiyaat wahi hey jinki Tasreehaat Aala Hazrat Aala Hazrat ne Dalaail-e-Qaahira se farma di he. Jisko Ahle-Sunnat,Bareilvi Maslak ya Maslake Aala Hazrat,se jaante hey pehchaante hey aur Ahle-Sunnat ke Alaawa dusre firqe wale bhi isi naam ke maslak ko Sabab-e-Imtiyaz maante hey aur Hum Sunni Ashrafi Saadaat ya Hamare Gair-Sadaat Biradraan-e-Ahle-Sunnat Khuwah wo Kichocha Sharif mey rehte ho ya kisi Dusre Maqaam par wo peechli sadi ke ho ya Nayee Sadi ke sab isi Farq o Imtiyaz ke Saath Maslake Aala Hazrat,ya Bareilvi Maslak par Qaaim hey.
{Gul_Afshaaniya,Safha-29,30, 1994 Maktaba Mahnama Sunni Awaz Darul-Uloom Amjadiya,Nagpur)

(6) Janasheen-e-Huzoor Muhaddise Aazam Hind Huzoor Sheikh-ul-Islam Hazrat Sayyid Shah Madni Miyan Ashrafi Jeelani Kichochwi

"Ab koi Ahaa'ira ho ya Maa-Tureediya se,Hanfi ho ya Shafa'ee Maaliki ho ya Hanbali wo Maslake Ahle-Sunnat wa Jama'at ki Roshni mey Bareilvi he" aur "ab mey Alhamdulillah Maslakan Hanfi,Nasban Jeelani,Mashraban Ashrafi aur Watanan Kichochwi hone ke Baa-wajood Apne aap ko "Bareilvi" kehte huwe Fakhr Mehsoos Karta hu.
{Mahnama Hijaz Jadeed New Delhi Sep-Oct 1989 Badalte Zaawiye Safha-4-5)

(7) Faqeeh-e-Millat, Hazrat Allama Mufti Jalaaluddeen Ahmad Amjadi Alaihirrehma

"Bareilvi Ban'ne se Rokna,Muhammadi Ban'ne se Rokna he, aur ye Indal-Fuqaha Kufr he."
(Fataawa Faiz-ur-Rasool,Jild-1,Safha-73)

(8) Janasheen-e-Mufti e Azam Hind,Huzoor Tajush Shariah Allama Azhari Miyan Bareilvi

"Alhamdulillah Bareilvi Aqaaid ye Koi Firqa nahi he, aur Bareilvi jo he koi Naya Firqa nahi he.jab Bareilvi aur Deobandi ki tafreeq nahi thi Alhamdulillah Jisko Aaj Bareilviyat Kaha jaata he wo us waqt bhi thi Sahaaba aur Tabi'een aur Huzoor Sarwar-e-Aalam SallAllahu Alaihe wa Sallam ke Zamaane se jo he Bareilvi,jisko Bareilviyat kaha jaata he,wo Aqaaid aur wo Tamaam Maamulaat uski sand Quran-e-Azeem Mey Sunnat mey aur Sahaaba-e-Kiraam ke Maamulaat mey aur unke Afkaar o Khayaalaat mey jo he uski Sanad Maujood he aur aaj bhi Al-hamdulillah Jo Aqaaid Huzoor Sarwar-e-Aalam Ki SallAllahu Alaihe wa Sallam ke Shafa'at ke Qaail,Aur Huzoor ko Gaib-daa(n) Jaan'ne wale, Agli-peechli baato ka Gaib rakhne waale, Huzoor SallAllahu Alaihe wa Sallam ko Khatimun-un-Nabiyyeen aur Khatim-ul-Ambiya maan'ne waale jo he wo Tamaam atraaf-e-Aalam mey jo phailey huwe hey.jisko jo he aaj Bareilviyat kaha jaata he. Hindustan mey isko Bareilviyat Kahaa jaata he aur Aalam-e-arab mey jo he Najdiyo ke muqable mey ye log jo he wo Sufi